#defyhatenow የኢትዮጵያ የመስክ መመሪያ ጥቅል በኢትየጵያ ውስጥ የሚገኙ ማህበረሰብን መሰረት ያደረጉ የሰላም ግንባታ ጥረቶችን ለመዳሰስ እና ለመደገፍ የአማርኛ እና የእንግሊዝኛ ቋንቋ እትሞች ተዘጋጅተዋል። የመስክ መመሪያው የታተመው r0g_Agency እና GIZ- Deutsche Gesellschaft für International Zusammenarbeit በመተባበር “የምእራብ ኢትዮጵያ- ምስራቅ ሱዳን አገር አቋራጭ ትብብር” ፕሮጀክት መዋቅር ስር በመላው ኢትዮጵያ እንደግብአትነት እንዲያገለግል ታልሞ ነው። 

በደቡብ ሱዳን መሰረቱን ያደረገው DEFYHATENOW እና የአሶሳ ፖሊቴክኒክ የቴክኒክና ሞያ ኮሌጅ አጋርነት የተዘጋጀዉ ይህ የመስክ መመሪያ በሚዲያ አጠቃም ክህሎት ላይ የሚሰጡ ስልጠናዎችን ያጠናክራል እንዲሁም የጥላቻ ንግግርና አመፅ ማነሳሳትን ለመከላከል ማህበራዊ ሚዲያን እንዴት መጠቀም እንደሚቻል ጠቃሚ መረጃዎችና ምሳሌዎችን ያቀርባል።

የማህበራዊ ሚድያ ስፍራዎችን ለግጭት መሳሪያ ለሆኑ ሰዎች ከመተው ይልቅ የአዎንታዊ ተፅእኖ ፈጣሪዎችን ተግባር በማጉላት እንዲሁም የሰላም ግንባታ ድምፆችን ለማስተጋባት ይህ የእርስዎ መስክ መመሪያ በበይነመረብ ላይ መተሳሰብና መቻቻል ላይ አብሮ ለመስራት የሚያግዙ መሳሪያዎች ስብስብ ነው።

#defyhatenow የማህበራዊ ሚዲያ የጥላቻ ንግግርን ፣ የግጭት ዘይቤዎችን በበይነመረብ አመፅ ማነሳሳትን ለመከላከል የሚያስችል ግንዛቤ ለማስጨበጥና እውቀትን ለማጎልበት ያለመ ነው።

ይህ ሁሉን አቀፍ የመስክ መመሪያ የሚያካትተው፥

• A4 መመሪያ እና ለአመቻቾች መመሪያ መጽሐፍ — ቁልፍ ለሥልጠና የሚጠቅሙ ምንጮች ፣ መረጃዎች፣ ተግባር ተኮር ጥናቶች እንዲሁም የሚታደሉ የመልመጃዎች እና በፎቶኮፒ ቅጅ ሊደረግ የሚችል ተጨማሪ መልመጃዎች።
• A5 የፍላሽ ካርዶች — በወርክሾፖች ውስጥ የቡድን ውይይት ለማመቻቸት የሚያግዙ 10 የፅንሰ-ሀሳብ ካርዶች።
• A1 ፖስተር እና ጨዋታ — ‘አጭር መመሪያ’ ማጣቀሻ፤ ኃላፊነት ላለው ማህበራዊ ሚዲያ አጠቃቀም መሠረታዊ ምክሮች እና መሳሪያዎች።
• A2 ፖስተሮች — 3 ተከታታይ በካርቱን ስዕል የተደገፉ የጽንሰ-ሐሳብ ምሳሌዎች በስእል የተደገፈ ውይይት እና ጥያቄዎችን ለማንሳት የሚያስችል መመሪያዎች።
• 1 የዩኤስቢ (USB) ፍላሽ በውስጡ በድምጽ፣ በቪዲዮ እና ብዙ ተጨማሪ የሚዲያ ምንጮችን ያካተተ።
• 1‘መሳርያ ሳይሆን ብዕር’
• 2 ጥቅል ተለጣፊ ማስታወሻዎች ወርክሾፕ ማስጀመሪያ
• 1 ዳይስ ለ#defyhatenow ጨዋታ
• 1 ጠንካራ ቦርሳ ከላይ የተጠቀሱትን እና ተጨማሪ ማስታወሻዎችዎን በአንድ ላይ ለመያዝ የሚያስችል።